Pivot aik aisa app hai jo buht jald es ne popularity haasil ke aur aate he buht se logo ne es se paise kamana start kya. Es ne aate he dhoom machai aur logo ne es ko buht pasand kya Q k ye aik real aur legit app hai aur log es se real me earning kar rahe hain esi liay aaj kal buht se log na sirf es k baare me jaante hain balke es se achi trah paise b kamate hain.
Es app ko aap Google playstore se download kar sakte hain. Es post me me aap ko bataunga k aap es par kis trah kaam karinge aur kis trah es se earning karinge.
Pivot aik aisa application hai jo k Bitcoin ya digital currency me earning deta hai. aur aap withdraw karne k liay ese dollar ya rupee me convert kar sakte hain.
Es app ko aap Google playstore se download kar sakte hain. Google playstore open karne k baad os me search kare. aur pher os k baad download karke automatically install ho jai ga.
 Install karne k baad aap ese open kar le. open hone k baad aap es me kai methods se earning kar sakte hain. jaisa k post read karke. Referrals bana k aur apne post likh k kama sakte hain.
Har aik post read karne par aap ko 100 power mile ga. aur agar koi referral banao to 10000 power aap ko mile ga. aap rozana 40 posts read kar sakte hain. aur en sab posts ko read karne par aap ko 4000 ke power mile ga. es ke limit yahi tak hai. es se ziada posts aap read nahi kar sakte hain. Har 24 hours k baad Pivot reset hota hai aur aap ke earning add ho jaati hai. Chahe posts read karne ka ho ya referrals ka ho ya posts likhne ka ho. mere account me har evening 7 pm par mere earning jama hoti hai. Aap ke earning ko pvt kehte hain. ye sab posts read karne par aap 23 pvt se le kar 50 tak pvt milte hain.

Hello dosto. Mai hu Baid khan. Aik nai post k saath aap ke khidmat me hazir hu. dosto aap aaj kal mobile phone kar daur hai aur har koi mobile phone istemal kar raha hai. Koi Android use kar raha hai, koi Iphone use kar raha hai. Es daur me online earning k method b badal rahe hain. Aur nai nai earning k opportunites paida ho rahe hain. To kehna ye hai k mobile ka use jitna ziada ho raha hai utna he es se earning karna b ziada ho raha hai. Aaj buht se logo ne Android apps banai hain. jo k mukhtalif topics par contents provide karte hain. kisi b information k liay aap ko koi na app milta hai jo aap ke help karte hain.

Aap agar apna app banai aur ose Google playstore par upload kare to os se buht he aasani k saath aap earning kar sakte hain. Aap ka agar koi Website ya blog ya Youtube na b ho tab aap app bana sakte hain aur os se earning kar sakte hain. Aur aap k paas kisi b field me koi knowledge ya skill ho tab b aap bana sakte hain. Jaisa k, poetry, English Tenses, kisi popular book ka app banana, dictionary app banana, Earn online par, General knowledge par etc.

Es post me me aap ko ye b bataunga k aap kaise app banainge aur pher ose Google playstore ko kaise upload karinge aur pher os se earning kaise start karinge.

 Apna Android app kaise banain:  Dosto aap apna app kisi b ache platform par bana sakte hain. Buht se website hain jin me aap chand minutes me aur buht he aasani se bana sakte hain. Jaisa k; Thunkable, AppsGeyser etc, jabke web2apk me bana sakte hain agar aap ka koi blog ya website ya Youtube channel ho os k liay. Lekin me aap ko AppsGeyser recommend karta hu. Q k AppsGeyser me aap chand minutes me aur free me app bana sakinge. AppsGeyser aik aisa website hai jaha par aap apne liay aik acha sa playstore app bana sakte hain.

App banane k baad Google playstore ko kaise Upload kart hain.
App banane k baad aap ko Google play developer console website me jana pare ga aur waha se aap ko apna app upload karna hoga. Waha par aap 25 dollars Google ko pay karinge. Es price par aap unlimited apps upload kar sakte hain. Waha par aap se chand cheze manginge. Jaisa k aap ke app ke chand screenshots aur logo etc. aap ko app uload karne se pehle apne app k chand screenshots lene hunge aur os k liay aik attractive logo banana pare ga.

 Upload karne k baad es se paise kaise kamainge:
Jab b aap apne apne app ko developer console par upload kare. os k baad Admob ka account banain. Admob ka account banane k liay Google me type kare Admob aur pher Admob ka website open hone k baad os me apna account banain. Account banane k baad Admob aap ko aik Ad code de de ga jis ko aap copy karke apne app me save karna pare ga. Aik ya 2 din k baad aap ko approval mail aa jai ga aur aap ka app approve ho jai ga. os k baad aap ke earning start ho jai gi.


Amazon dunya ka sab se bara product selling website hai. Es me aap ko taqreeban har qism ke cheez kharidne ko mile gi. Jaise k clothes, shoes, jewellery, computers, mobile phones aur es k elawa beshumar qism ke cheze mile gi. Aur es me jitne b cheze sell hoti hain wo sab retail me sell hoti hai. Yani wholesale me sell nahi hoti. Rozana lakho log yaha aa kar products kharidte hain. ye chunke dunya ka sab se bara Ecommerce website hai es liay ye saari dunya me popular hai aur log es website par trust karte hain. es ka headquarter USA me hai. Aur ye saari dunya k buht se countries me product sell karne ka kaam karta hai. Ab aate hain Amazon se earning ke traf k aap Amazon se kis trah kamainge.

Amazon FBA se paise kamiye
Amazon me chunke lakho products rozana sell aur buy hote hain. aur jitney b products sell hote hain wo amazon k apne nahi hote. Aur na os k apne aise stores hote hain jin me wo khud apne products la kar waha par bechna start kare. Saare k saare products sellers ya vendors k hote hain jo amazon me apna seller account bana kar waha par apne products sell karna start karte hain. es liay Amazon Ecommerce ya online sellers k liay buht interesting ho jata hai aur sellers ko buht moqa mil jata hai k wo Amazon par apne products sell karke paise kamaiye. Amazon me koi b banda seller account bana kar selling start kar sakte hai. Aur paise kama sakta hai. Lekin es me asal baat product supply karne ka hai k aap product kaha se supply karinge. Aap k paas kaha se product aay ga aur apne customer ko product kis trah deliver karo ge. To buht se log es me dilchaspi lena chorh dete hain aur wo ye samajhne lagte hain k ye un k bas ka kaam nahi hai. Q k un k paas to apna koi product hai he nahi. Ye un logo ka kaam hai to bare bare sarmaya daar hain.

Amazon FBA se paise kamaiye
Dosto. Me aap ko ye baat bata du k Amazon par selling karna sirf bare bare samaya daaro ka kaam nahi hai balke es me aise log b selling start kar sakte hain jin k paas aik b product na ho aur jin k jaib me aik rupee b na ho. Un k paas sirf aik computer aur internet connection ho. Lekin aaj me aap ko aik aise cheez k baare me batene ja raha hu jin me aap k paas torhe paise hone zaruri hai. Ziada nahi balke itne paise k aap os se 100 ya 200 ke tadad me chote se cheez jaisa k mobile battery wholesale me buy kar sake.

Buht se countries me Amazon FBA k warehouses mojood hain. FBA ka matlab hai Fulfillment by Amazon. Asian countries me India, Oman, Sri lanka, Phillipines, Malaysia aur Singapore me Amazon FBA k warehouses mojood hain. Amazon ne ye warehouses apne sellers k products ko khud sell karne k liay banaiye hain.
Amazon FBA se paise kaise kamaiye

aap ko karna ye hai k aap apne country k Amazon FBA k warehouse me kuch jaga Amazon se buy kar lenge. Amazon aap ko wo jaga rent par de ga. Aap har month os jaga k liay paise pay karinge. Aap apne os kharide huay jaga k liay kuch products jo aap ne pehle os ko buy karne k baare me socha ho wo wholesale me buy karke waha la kar os jaga par rakh lenge. Pher os k baad aap ka kaam khatam. Amazon aap ko products ko khud sell karinge aur jitne b earning hogi wo aap k Bank account me daal denge. Dosto es me aap ka kaam buht aasan ho jata hai Q k aap ko apne ghar bethe earning hogi. Aap ka kaam sirf apne products ko Amazon FBA k warehouse ko lana hai. Os k baad shipping se le kar sab kuch Amazon khud karti hai.

Chunke Pakistan me Amazon FBA ka warehouse nahi hai. Es liay Pakistan me rehne wale sellers dusre countries me jin me Amazon FBA k warehouses mojood hain un countries me dusre logo k saath partnership karke start kar sakte hain. agar aap ka koi relative ya friend Malaysia, Singapore, Hong Kong, India, phillipines ya Oman me ho aur aap os k saath partnership karke start kare to aap Pakistan me apne ghar bethe es se earning karinge.
Ab reh gai product ke baat k aap k paas products kaha se aainge to aap china me buht saari sites hain jo wholesale me products sell karte hain jaisa k Alibaba, made-in-china etc. en sites se wholesale me buy karke Amazon FBA k warehouse par bhej kar sell kar sakte hain. en sites me aap ko intehai saste me products mil kar aap Amazon FBA par mehenge me sell karke earning karinge.



Dosto jis trah blogging online earning ka aik acha source hai aur aap es se apne ghar baithe apna he boss ban kar earning kar sakte hain. Esi trah es me buht se log ghalat kaam b karte hain aur unhi ghalat kaamo se paise kamane ke koshish karte hain.
En ghalat kaamo me sab se pehla hai. Self clicking. Self clicking aik aisa online earning method hai jis se kai log earning karte hain. Lekin Google kisi b waqt aap k blog ko band kar sakte hain.
Self clicking ka matlab hai. Aap k blog me jitne b Google k ads lage huay hain.  Aap os par khud he click karke paise kamao. Ya apne kisi dost ya rishta daar ke madad se. aap agar es trah ke earning karinge to ye na sirf najaiz aur haram hai balke es se na to sirf aap k blog par asar pare ga balke jitne b advertisers hain un ka Google se aitemad uth jai ga aur nathije k tor par Google apne policies mazeed sakht aur strict kare ga. Meri blogging k kai saalo ke career me me ne buht se changes dekhi. Aur Google ke kai policies dekhi. Pehle buht aasani hua karti the. Blog banana b aasan tha aur Adsense k ads lagana to kuch mushkil nahi tha. Earning karna aur b aasan tha aur competition to na hone k barabar tha. Lekin ab halaat buht badal chuke hain. Ab en tamam chezo me tabdeli aa gai hai aur sab kuch pehle se ziada sakht ho chuke hain. En halaat me aap ko buht honest aur hard working rehna hoga. Aur agar aisa nahi karo ge to aap kabhi b apni online career nahi bana sako ge.
Dusra ghalat kaam hai aik se ziada Adsense k accounts banana.
Dosto buht se log aik blog aur aik adsense par guzara nahi karte aur wo 2,3 ya es se b ziada alag alag accounts banate hain. Jo k ye adsense policy violation hai. Adsense kehta hai k aap aik se ziada accounts nahi bana sakte. Agar aap k aik se ziada blogs hain to un sab k liay aap aik he adsense account use karinge. Aur os aik he account se aap tamam blogs aur websites me ads lagainge.
Dosto. Kya aap ko pata hai k adsense aisa Q keh raha hai. Farz kare me ne 3 accounts bana liay. Dusre blogger ne b 2 ya 3 bana liay. Esi trah har aik blogger ne aik se ziada accounts bana liay. To jo nay log es field me aainge aur woe s field me apna career banana k khwab dekh rahe hain. Wo apne khwab ko poora nahi kar pa sakinge. Wo buht mehnat karne k baad b mayoos rahinge. Q k Adsense un k blogs ko approve nahi kare ga ya agar approve kare ga b to buht mushkil se.
Esi liay dosto mera to yahi khyal hai k aap aik he blog banai. Aur imaandari se os me mehnat karke os ka SEO karway. Jab traffic aap k site par aay ga to click b kare ga aur impression b bare ga. Aap khud self clicking na kare. Aur na kisi dusre ko es k liay kahe.


Assalam o alaikum dosto. Umeed hai aap sab khairiyat se hunge. Es post me hum online earning k aik aur method k baare me parhenge. Jis ka naam hai Youtubing. Youtubing aik aisi online earning method jis se aap na sirf earning kar sakte hain balke es se aap buht popularity b gain kar sakte hain. Youtube duniya ka sab se bara video platform hai. Es me aap kisi b qism ke video aasani se search karke watch kar sakte hai. Ye Google ke product hai. Yani Google es company ke owner hai.
Youtube se earning karne k liay aap ko Youtube me channel banana hoga. Channel banana k baad daily videos banain aur Youtube par upload kare. Upload karne k baad aasani se aur jaldi aap k videos par visitors aana start ho jainge. Aur aap ke video ke watching start ho jai gi. Aap kisi b topic par video bana sakte hain. Aap k paas kisi b trah ka knowledge hai aap os par video banao aur Youtube par upload karo. Videos aap apne camera se b bana sakte hain aur apne computer ke madad se b bana sakte hain. Screen recording softwares jaisa k Camtasia studio ya Filmora etc.
Ziada tar log apne ghar bethe apne computer par en softwares ke madad se videos banate hain aur Youtube par upload karke earning karte hain. Jaisa k un k paas technology k baare me knowledge hota hai. Wo daily nai nai videos banate hain aur upload karte hain. Baaz khawateen apne ghar bethe cooking videos banate hain aur achi earning karti hain. Jabke baaz khawateen beauty par videos banate hain.
Videos upload karne k baad aap ke earning kuch es trah hogi k aap k videos par Google Adsense k Ads aainge aur jitne b visitors aap k videos par aa kar wo Ads watch karinge ya os par click karinge. Aap ke earning hogi.
Google Adsense advertisers (yani wo log jo apne company ya brands ke publicity ya promotion karna chahte hain) se paise lete hain. pher un k Ads Youtube k wo channels jo Adsense se approved hote hain, par lagate hain. aur kul earning ka 45 percent un ko dete hain. yani 55 percent earning Adsense lete hain aur 45 percent Youtube channels walo ko dete hain.
Starting me vistors kam hote hain.lekin junhi aap k subscribers increase hunge. Aap k visitors b barenge aur channel b jaldi se grow hoga. Youtube channel k liay sab se zaruri chez subscribers hain. jin channels k subscribers ziada hain wo ziada tezi se grow kar rahe hain. aur jin k kam hain wo slowly.
Starting me aap Google Adwords se campaign chala kar apne viewers aur subscribers increase kar sakte hain. ya aap Facebook ka campaign b chala sakte hain.
Aaj kal Youtube se earning start karne k liay aap k channel k subscribers 1000 hone chahiay aur kul watch time 4000 hours hona chahiay. Es k bagher Google Adsense aap k channel ko approve nahi karta. Ye task poor hone k baad Google Adsense aap k channel ko approve kar de ga aur aap apni earning start karinge.